قبل فتره دازيلي اميل عن جمعية مشرف اعتقد
المهم يقولك حجي
انه يايبين علج مسكّر !
انا قلت يخرب بيت السالفه :/
بطلت الاميل ولا الحبيب ما لقو الا العلج اللي انا احبه :/
خو يعني علج بصري ماكو مني وتخلخلت حنوجنا منه
ضروسي طاحت منه
شيبت بسبت هالحبيب
فقلت ماكو الا اكسترا حبيب ألبي بو 12 حبه بدولار ونص
يظل عندك سبوووع تقزرها عليه
انا قريت الاميل ولا حاطين صورة
انصدمتتتت :/
يالحبيب شنو هذا تييلي بعد جم شهر من التقزيره على علج اكسترا بو رقي تيي تقولي انه في كحول :/
جان اصوم عن هالعلج يومين :(
قلت لصاحبي جان يقولي يبا هذا سكر الكحول !! مو كحول :/
قلت خلنا اسوي Google it
حتى يطمئن قلبي ^^
ولا اشوف انه هالحبيب الي كاتب الاميل كان " منفعل " ومتحمس شوي حبتين وقعد يألف
كااااااااااك اللي صج خلاني ابطها ضحك انه يقول
اقتباااس يالربع من الاميل
" وفعلا رفيج اخوي سكر من العلج "
لووووووووووول شوي شوي علينا يالحبيب
قلنا عاد تدز دزات خفيفه مو جذييييي
يالحبيب الصقف بيطيح
عاد مو بروسنا دهن يعني :P
لوووووووول ولا الحبيب شوي كان متحمس جان يكتب
" واليوم يدش ديرتنا علج فيه خمر
باجر شنو بنلاقي بطوووول مرصرصه بالجمعيه ! يعني لها الدرجه وزارة التجاره والصحه والجمارك استغفال ؟
لاااااااا واللي يحر ان لاصقين لصقة ترجمه يعني ها اللي يترجم المكونات ما شاف الكحووووول ؟ "
اووووووووووووووووله
سويتها خمر بالجمعيه :/
يخرب بيت السالفه :P
اعصابك يالحبيب ^^
هدي هدي لا يطقك عرج :P
يالربع
Google it !!
تأكدو من مصداقية هالاميلات
لا تصدقون كل شي
خو الايام الجذب ببيزه
كاااااااك حلاته الحبيب كاتب نهاية الاميل " اذا لم ترسلها ل10 اشخاص سوف تجد نفسك سكرانًا !!
خو كثرت هالاميلات !!
ياجماعه قبل لا ندز اميل لازم نتأكد عن شنو نتكلم تأكد من الشي يالحبيب :/
خلني اقتبس لكم رد بأحد المنتديات عجبني رده .. من ضمن المواضيع اللي كنت اقوقل فيها
--------------------------------------
ليس لسكر الكحول علاقة لا "بالكحول أو بالسكر الطبيعي"
سكر الكحول أو مايسمى بالـ"polyols"هي مادة طبيعية تستخرج من الفواكه كبديل لنكهه السكر. وسبب استخدام هذا السكر هو قلة السعرات الحرارية مقارنة بالسكر الطبيعي وقلة تأثيره على مرضى السكر. يأتي هذا السكر بعده تركيبات كيميائية كالـ (مانيتول، والسيربيتول) أي أنه من فئة الأغوال (الكحوليات) والتي تتشابه بتركيبها الكيميائي فقط (جميع المركبات تحتوي وظيفة الهيدروكسيل مرتبطة بسلسلة هيدروكربونية مفتوحة أو حلقية )و لكن هنا تنتهي علاقته بـ"الايثانول" الصادره الفتوى عنه.
ملاحظة: غالبية هذه المأكولات التي كتب عليها خالية من السكر تستخدم هذا النوع من السكر كبديل وستلاحظوا احدى هذه الكلمات maltitol, xylitol, sorbitol
لمزيد من المعلومات عن سكر الكحول:
وفقكم الله لما يحبه ويرضاه
أخوكم
حسن آل يعقوب
-------------------------------
عدل صح لسانك يالكبير ^^
" فتبينوا ان تصيبوا قومًا بجهاله فتصبحوا على ما فعلتم نادمين "
ذكري للاية الكريمة اني اقول لكم يا جماعة بحثوا عن شي قبل ما تنشرون فيه !!
ابي اشوف ارائكم بالردود : )
